Friday, March 5Nepal News Portal
Shadow

शेयर कारोबारमा नयाँ कीर्तिमान


काठमाडौं, (ससं) । आइतबार (आज) शेयर बजारले नयाँ कीर्तिमान कायम गरेको छ । आज हालसम्मकै सर्वाधिक मूल्यको शेयर कारोबार भएर नयाँ कीर्तिमान कायम भएको हो । आज १० अर्ब ४४ करोड १९ लाख रुपैयाँभन्दा बढीको शेयर कारोबार भएको हो । यो अनलाइन शेयर कारोबारले गर्दा सम्भव भएको जानकार बताउँछन् ।

आज नेप्से परिसूचक पनि ४८.९७ अंकले वृद्धि भएर २५२४ विन्दुमा रोकिएको छ । २०२ कम्पनीको १ करोड ७७ लाख ३६ हजार ७३४ कित्ता शेयर खरिद विक्री भएको छ । आज कारोबार शुरु भएदेखिनै परिसूचक उकालो लागेको थियो । आज ६ वटा लघुवित्त, नागरिक लगानी कोष र मन्जुश्री फाइनान्सको शेयर मूल्य १० प्रतिशतले वृद्धि भएको छ । यी लघुवित्तमा आरएसडीसी, गनपति, निर्धन उत्थान, मेरो माइक्रोफाइनान्स, सारथी नेपाल र डिप्रोक्स लघुवित्त वित्तीय संस्था रहेका छन् ।

त्यस्तै सर्वाधिक मूल्यको शेयर खरिद विक्री हिमालयन डिष्टिलरी लिमिटेडको भएको छ । यो कम्पनीको ५३ करोड १७ लाखभन्दा बढीको शेयर खरिद विक्री भएको छ । यो कम्पनीको शेयर मूल्य २.५५ प्रतिशतले घटेर सर्वाधिक शेयर खरिद विक्री भएको हो । आज नेपाल फाइनान्सका शेयरधनीहरुले सर्वाधिक गुमाएका छन् । यो कम्पनीको शेयर मूल्य ६.२७ प्रतिशतले घटेको छ ।

कारोबारमा आएका १२ समूहमध्ये बैंकिङ्ग, विकास बैंक र म्युचुअल फण्ड समूहको परिसुचक घटेको छ भने बाँकी समूहको परिसूचक वृद्धि भएको छ । सर्वाधिक परिसूचक वृद्धि लघुवित्त समूहको भएको छ । यो समूहको परिसूचक ७.७६ प्रतिशतले वृद्धि भएको छ ।

Total Page Visits: 11 - Today Page Visits: 4
"Samabeshikhabar.com!"

यो नेपाली भाषाको डिजिटल पत्रिका हो । हामी तपाईंहरुका सामु छुट्टै महत्वका साथ समाचार पस्कन्छौं । साथै यसमा तपाईंहरुको सुझाव तथा प्रतिक्रियाको अपेक्षा गर्दछौं । ‘सत्य र ताजा समाचार : समावेशी खबर’  [Email : samabeshikbr@gmail.com]

     

प्रतिक्रिया दिनुहोस्