Thursday, March 4Nepal News Portal
Shadow

विद्यार्थीलाई होटलमा लगेर परीक्षा लिने शिक्षक बलात्कार प्रयासको आरोपमा जेल चलान


पोखरा, (ससं) । छात्रालाई होटलमा लगेर परीक्षा लिएको आरोप लागेका शिक्षक जेलचलान भएका छन् । छात्रालाई एक होटलमा पु-याएर परीक्षा लिई जबरजस्तीको समेत प्रयास गरेको अभियोग लागेका पोखरा राष्ट्रिय माविका शिक्षक शिरिषकुमार बस्ताकोटी जेलचलान भएका हुन् ।

गत मंसिरमा छात्रालाई पोखरादेखि झण्डै २० किमी टाढा रुपातालको एक होटलमा पु¥याएर परीक्षा लिई जबरजस्तीको प्रयास गरेको अभियोग लागेका बस्ताकोटीलाई जिल्ला अदालत कास्कीले पुर्पक्षका लागि जेल चलान गर्ने आदेश दिएको हो ।
शिक्षक बस्ताकोटीले गत मंसिर १२ गते एक छात्रालाई मौका परीक्षा होटलमा लिन मिल्ने भन्दै मोटरसाइकलको पछाडि राखेर रुपाातालको एक होटलमा पु-याएका थिए । विद्यालयमा लिनु पर्ने मौका परीक्षा होटलमा लिएको बारे २ महिनापछि मात्र खुलासा भएको थियो ।

छात्रालाई होटलमा लगेर परीक्षा लिएको सार्वजनिक भएपछि माघ ५ गते अनुसन्धानका लागि जिल्ला प्रहरी कार्यालय कास्कीले विद्यालय प्रधानाध्यापक सूर्य तिवारी, सहकेन्द्राध्यक्ष घनश्याम रेग्मी र शिक्षक शिरिषकुमार वस्ताकोटीलाई पक्राउ गरेको थियो ।

शिक्षक पक्राउ पछि प्रहरीले आवश्यक अनुसन्धान गरी तीनै जना बिरुद्ध जिल्ला अदालत कास्कीमा मुद्दा दर्ता गरेको थियो ।
सो मुद्दामा जिल्ला न्यायाधीश श्रीकृष्ण भट्टराईको इजलासले बस्ताकोटालाई थप अनुसन्धानका लागि कारागारमा राख्ने आदेश गरेको अदालतका सूचना अधिकारीले दिएका हुन् ।
अदालतले परीक्षा अमर्यादित बनाएको आरोप लागेका अन्यलाई भने धरौटीमा रिहा गर्न आदेश दिएको छ । शिक्षक बस्ताकोटीले अदालती बयानमा आफूमाथिको आरोप झुटो भएको बयान दिएका थिए । उनले विद्यालयका शिक्षक एवं सहायक केन्द्राध्यक्ष घनश्याम रेग्मीले ती छात्रालाई जसरी पनि पास गराइदिनु पर्ने बताएको बयान दिएका थिए ।

अदालतले परीक्षा अमर्यादित बनाएको अभियोगको मुद्दामा शिक्षक बस्ताकोटी र सहायक केन्द्राध्यक्ष रेग्मीसँग जनही ७५/७५ हजार धरौटीमाग गरेको छ । त्यसैगरी प्रधानाध्यापक तिवारीसँग ५० हजार र विद्यार्थीसँग ५० हजार धरौटी मागेको छ ।

शिक्षक बस्ताकोटीबाहेक अरु तीन धरौटी तिरेर छुटेका छन् । अदालतले उनीहरुलाई अनुसन्धानका क्रममा ठहरे बमोजिम थप कारवाही हुने गरी धरौटी मागेको हो ।

Total Page Visits: 3 - Today Page Visits: 1
"Samabeshikhabar.com!"

यो नेपाली भाषाको डिजिटल पत्रिका हो । हामी तपाईंहरुका सामु छुट्टै महत्वका साथ समाचार पस्कन्छौं । साथै यसमा तपाईंहरुको सुझाव तथा प्रतिक्रियाको अपेक्षा गर्दछौं । ‘सत्य र ताजा समाचार : समावेशी खबर’  [Email : samabeshikbr@gmail.com]

     

प्रतिक्रिया दिनुहोस्