Monday, March 8Nepal News Portal
Shadow

हुँदै नभएको कुरालाई बंग्याएर अवहेलना मुद्दा गरेको प्रधानमन्त्रीको दाबी


काठमाडौं, (ससं) । प्रधानमन्त्री केपी शर्मा ओलीले आफ्नो अदालतप्रति उच्च सम्मान रहेको जनाएका छन् । बिहीबार (आज) अदालतको अवलेहना मुद्दामा प्रधानमन्त्री ओलीले दिएको लिखित जवाफमा ‘लोकतन्त्र, विधिको शासन तथा स्वतन्त्र न्यायपालिकाको लागि पाँच दशकभन्दा लामो समयदेखि संघर्ष गरेको व्यक्तिले न्यायपालिकाको सम्मान कम हुने कार्य गरे भनी कल्पना गर्नु समेत दूराग्रहपूर्ण’ हुने उल्लेख रहेको छ ।

अदालतबाट भएका फैसला तथा आदेशको आफू र आफू नेतृत्वको सरकारबाट सधैं सम्मान र कार्यान्वयन भइरहेको ओलीको दाबी रहेको छ। ‘म तथा मैले नेतृत्व गरेको सरकारबाट सदैव सम्मान र कार्यान्वयन भइरहेको छ। सर्वोच्च अदालतले गरेका संविधान र कानूनको व्याख्या पूर्णतः पालना र कार्यान्वयन भएका छन्,’ लिखित जवाफमा उल्लेख छ,‘सम्मानित अदालतबाट न्याय सम्पादनको क्रममा हुने काम कारवाहीमा कुनै अवरोध गरिएको छैन।’

उनले संविधानद्वारा प्रदत्त मौलिक हकमा अतिक्रमण हुने गरी अभिव्यक्ति दिइएको भन्ने निवेदकले गरेको दाबी निराधार तथा असान्दर्भिक रहेको समेत उल्लेख गरेका छन्। ‘हुँदै नभएको वा एक अर्थमा बोलेको कुरा वा शब्दलाई अर्को अर्थ लगाई, बंग्याई अदालतको अवहेलना जस्तो व्यक्तिगत दायित्वको मुद्दा दायर गर्नु आफैमा अत्यन्त आपत्तिजनक छ,’ प्रधानमन्त्री ओलीको लिखित जवाफमा उल्लेख छ।

उनले आफूले अदालतको अवहेलना नगरेकाले निवेकले दिएको निवेदन खारेज गरिदिन सर्वोच्चलाई आग्रह समेत गरेका छन्।

Total Page Visits: 4 - Today Page Visits: 1
"Samabeshikhabar.com!"

यो नेपाली भाषाको डिजिटल पत्रिका हो । हामी तपाईंहरुका सामु छुट्टै महत्वका साथ समाचार पस्कन्छौं । साथै यसमा तपाईंहरुको सुझाव तथा प्रतिक्रियाको अपेक्षा गर्दछौं । ‘सत्य र ताजा समाचार : समावेशी खबर’  [Email : samabeshikbr@gmail.com]

     

प्रतिक्रिया दिनुहोस्