Saturday, March 6Nepal News Portal
Shadow

विराटनगरमा आज ओली समूहको शक्ति प्रदर्शन


विराटनगर, (ससं) । राजनैतिक रुपमा सत्तारुढ दल नेपाल कम्युनिष्ट पार्टि (नेकपा) दुई पक्षमा विभक्त भएपछि प्रधानमन्त्री केपी शर्मा ओलीले नेतृत्व गरेको पक्षले शनिबार (आज) विराटनगरमा शक्ति प्रदर्शन गर्ने भएको छ । नेकपाका अध्यक्ष एवं प्रधानमन्त्री केपी शर्मा ओली बृहत आमसभाका लागि विराटनगर आउँदै छन्।

प्रतिनिधिसभा विघटनपछि उत्पन्न नेकपाभित्रको विवादसँगै प्रधानमन्त्री ओली र असन्तुष्ट पक्ष पुष्पकमल दाहाल (प्रचण्ड) र माधवकुमार नेपाल पक्ष मुलुक दौडाहमा रहेको छ।

पार्टीभित्रको विवादसँगै दुवै समूह आ आफ्ना कार्यकर्ताबीच समर्थनका लागि भेला र आमसभामा जुटिरहेका छन्। संसद विघटनपछि पहिलोपटक प्रदेश १ का कार्यकर्ताहरुलाई सम्बोधन गर्न प्रधानमन्त्री ओली विराटनगरमा आउन लागेका हुन्।

यसबीच शनिबार हुने प्रदेश १ स्तरीय आमसभा महानगरपालिका २ शंकरपुरस्थित खुला मैदानमा गरिने छ। आमसभाको लागि तयारी पूरा भएको स्रातले बताएको छ । स्रोतका अनुसार प्रधानमन्त्री ओली बिहान ११ बजे श्री एयरको विमानबाट विराटनगर पुग्ने छन्।

प्रधानमन्त्रीसँगै सभा सम्बोधनका लागि गृहमन्त्री रामबहादुर थापा र नेता सुवासचन्द्र नेम्वाङ पनि विराटनगर आउँदै छन्।

सभामा दुई लाख मानिस सहभागी हुने भएका छन् । उपस्थितिका लागि मुख्यतः मोरङ, सुनसरी, झापा र अन्य विभिन्न जिल्लामा १ हजार ५ सय सार्वजनिक बसको व्यवस्था गरिएको छ।

 

Total Page Visits: 11 - Today Page Visits: 2
"Samabeshikhabar.com!"

यो नेपाली भाषाको डिजिटल पत्रिका हो । हामी तपाईंहरुका सामु छुट्टै महत्वका साथ समाचार पस्कन्छौं । साथै यसमा तपाईंहरुको सुझाव तथा प्रतिक्रियाको अपेक्षा गर्दछौं । ‘सत्य र ताजा समाचार : समावेशी खबर’  [Email : samabeshikbr@gmail.com]

     

प्रतिक्रिया दिनुहोस्